CyberEthiopia.com

News

3 days ago

CyberEthiopia

ሰበር ዜና

ስዩም መስፍንን ጨምሮ የጁንታው ቀንደኛ አመራሮች ተደመሰሱ

የመከላከያ ሰራዊት ሀይል ስምሪት መምሪያ ሀላፊ ብርጋደል ጀነራል ተስፋዬ አያሌው፣ ጀግናው የሀገር መከላከያ ሰራዊት እና ሌሎች የፌዴራል የፀጥታ ተቋማት ዛሬም እንደ ትናንቱ አስደናቂ ጀግንነታቸውን በአንፀባራቂ ድል ታጅበው በድል መወጣት መቀጠላቸውን ለኢዜአ ገልፀዋል።
አሁንም የተቀሩትን የጁንታ አመራሮች የገቡበት ገብተው የማደን ተግባራቸውን አጠናክረው ቀጥለዋልም ብለዋል።
የጁንታው ቡድን ከትጥቅ ትግሉ ጀምሮ በስልጣን ላይ እያለ ኢትዮዽያዊ፣ ከስልጣን ሲወርድና የማይመች ሁኔታ ሲፈጠር ደግሞ አገርን የመበታተንና የማተራመስ ስትራቴጂ ነድፎ የማያሸንፈውንና የማይወጣውን ውጊያ በአባት አርበኝነት ለመፈፀም ሲንቀሳቀስ እንደቆየ ጠቁመዋል። ከዚህ ተግባሩ ሊቆጠብም ሆነ ከትላንት ሊማር ያልቻለው የጁንታው ቡድን በሰራዊታችን ላይ ውጊያ ከፍቶ በለኮሰው እሳት በመለብለብ ላይ እንደሚገኝም አረጋግጠዋል ።
የጁንታው ቡድን አመራሮች ባለፈው ጥቅምት መጨረሻ በመቀሌ በተካሄደው ዘመቻና ድምሰሳ ወቅት በ48 ሰዓት እጅ እንዲሰጡ ቢለመኑም፣ በማናለብኝነትና ትዕቢተኝነት እምቢ በማለት ወደ ጫካ መግባታቸውን ብርጋዴል ጀነራል ተስፋዬ አስታውሰዋል።
በድጋሚም የአገር መከላከያ ሰራዊት የሀገር ሽማግሌ ጭምር በመላክ እጅ እንዲሰጡ፣ ትጥቅ እንዲፈቱና ጉዳዩቸው በህግ እንዲታይ ቢያስጠይቅም አሻፈረኝ ብለውና የያዙትን የጥበቃ ሀይል በመተማመን እንዲሁም “ተመልሰን እንነሳለን” በሚል የድሮ ብሂል ተሳስተው ያለ እድሜያቸው በዱር በገደሉ ተሸሽገዋል ብለዋል፤ ዋሻዎችን በመጠቀምም ከጀግናው የሀገር መከላከያ ሰራዊታችን እይታ ውጪ ለመሆን ጥረት በማድረግ ላይ ናቸው ሲሉም ገልፀዋል።
ሆኖም ደከመኝ ሰለቸኝ የማይለው ጀግናዊ የሀገር መከላከያ ሰራዊትና ሌሎች የፌዴራል የፀጥታ ሀይሎች በዛሬው እለት በጋራ ባደረጉት ጠንካራ ፍተሻ በተከዜ ወንዝ ዳርቻ ቀደም ሲል ሰራዊቱን በማስመታት ኢትዮዽያን ለማተራመስ ሲንቀሳቀሱ፣ ሲያቅዱና ሲመሩ የነበሩ ቀንደኛ የጁንታው አመራሮች ከጥበቃ ሀይላቸው ጋር በነበረው ተኩስ ልውውጥ በውጊያ ላይ ከነጥበቃዎቻቸውና የጥበቃ ወታደራዊ አራሮቻቸው ጋር መደምሰሳቸውን ለኢዜአ ገልፀዋል።
እነዚሁ በነበረው ውጊያ ከጥበቃዎቻቸው ጋር አብረው የተደመሰሱ የጁንታው አመራሮች፣
1. አቶ ስዩም መስፍን፣ የቀድሞው የውጭ ጉዳይ ሚኒስትር የነበሩ እንዲሁም ውጊያውን የመሩና ሰራዊቱ ከቦታ ቦታ እንዳይንቀሳቀስ ያዘዙ፣ በመጨረሻም በሰራዊቱ ላይ ውጊያ እንዲከፈት ትዕዛዝ የሰጡ፣
2. አቶ አስመላሽ ወልደስላሴ፣ የጁንታው ከፍተኛ የፖለቲካ አመራር የነበሩ
3. አቶ አባይ ፀሃዬ፣ የጁንታው ከፍተኛ የፖለቲካ አመራር የነበሩ
4. ኮሎኔል ኪሮስ ሀጎስ ከመከላከያ የከዳ ከነጥበቃዎቻቸው ተደምስሰዋል።
በሌላ በኩል በቁጥጥር ስር የዋሉ ወታደራዊና የክልል አመራሮች
1. ኮሎኔል ገብረመስቀል ገብረ ኪዳን፣ ከመከላከያ የከዳ
2. ኮሎኔል ፍስሃ ብርሃኔ፣ ከመከላከያ የከዳ፣
3. ኮሎኔል ዘረአብሩክ ታደሰ፣ ከመከላከያ የከዳ፣
4. ኮማንደር ገብረኪዳን አስገዶም የልዩ ሀይል ክፍለ ጦር አዛዥ የነበረ
5. አቶ መብራህቶም ክንዴ ሀይሉ፣ የክልሉ ውሃ ስራዎች ድርጅት ፋይናንስ ሀላፊ የነበረ በቁጥጥር ስር ውለዋል።
የመከላከያ ሰራዊት ኃይል ስምሪት መምሪያ ሀላፊ ብርጋደል ጀነራል ተስፋዬ አያሌው፣ ባስተላለፉት መልዕክት፣ አሁንም በየዋሻው የተደበቁ የጁንታው ቡድን አባላት በሰላማዊ መንገድ እጅ እንዲሰጡ ጥሪ አቅርበዋል።
“ትርጉም ለሌለው ጁንታ ጠባቂ በመሆን ውድ ህይወታቸውን አትገብሩ፣ ከቻላችሁ ይዛችኋቸው፣ ካልቻላችሁ በሰላም ለሰራዊቱ እጅ እንድትሰጡ ጥሪ አቀርባለሁ” ብለዋል።
በሀገር ውስጥና በውጭ የሚኖሩ አንዳንድ የትግራይ ተወላጆች ጁንታው ተመልሶ ይመጣል በሚል ያላቸው ግምት የተሳሳተና የጁንታው ቡድን ዘመን ያከተመ መሆኑን አውቀው፣ ከሀገራቸውና ከትግራይ ክልል ጊዜያዊ ሽግግር መንግስት ጎን በመሆን ትግራይን እንዲያደራጁ፣ እንዲያለሙና መላው ህዝብም የጀመረውን ድጋፍ አጠናክሮ እንዲቀጥል ጥሪ አቅርበዋል።

EBC
... See MoreSee Less

View on Facebook

3 days ago

CyberEthiopia

በመተከል አሁንም ዘርን መሰረት ያደረገ ጭፍጨፋ መፈጸሙን ነዋሪዎች ተናገሩ፡፡

ባሕር ዳር፡ ጥር 05/2013 ዓ.ም (አብመድ) ከአሁን በፊት በመተከል ዞን የደረሰውን ጅምላ ጭፍጨፋ እና ማፈናቀል አብመድ በተደጋጋሚ ሲዘግብ መቆየቱ ይታወሳል፡፡

ይሁን እንጂ ዛሬም ዘርን መሠረት ያደረገ ጭፍጨፋ መፈጸሙን ነዋሪዎች ለአብመድ ተናግረዋል፡፡

በተለይም ትላንት ጠዋት በድባጤ ወረዳ በዳሊቲ ቀበሌ በተፈጸመው ዘር ተኮር ጭፍጨፋ በርካታ ንጹሓን ዜጎች ህይወታቸውን እንዳጡ ነው ነዋሪዎቹ ለአብመድ ያስረዱት፡፡

ጭፍጨፋውን የፈጸሙት ደግሞ የታጠቁ ቡድኖች ናቸው ብለዋል ነዋሪዎቹ፡፡ የሟቾችን አስክሬን ባለው የጸጥታ ችግር ምክንያት አፈር ለማልበስ መቸገራቸውንም ከጥቃቱ የተረፉ ዜጎች ተናግረዋል፡፡

አሁንም በድባጤ ወረዳ ጋሌሳ ቀበሌ ሌላ ጥፋት ለማድርስ የተዘጋጁ ቡድኖች በዙሪያው እንደሚገኙና እንዳሳሰባቸው ተናግረዋል፡፡ በከባድ ጭንቅ ውስጥ ሆነው የድርሱልን ጥሪም አቅርበዋል፡፡

በጉዳዩ ላይ በአካባቢው የተሰማራውን ግብረ ኀይል ለማግኘት ያደረግነው ጥረት አልተሳካም፡፡ ምላሽ እንዳገኘን ይዘን የምንቀርብ ይሆናል፡፡

ዘጋቢ፡- አዳሙ ሽባባው

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
በፌስቡክ bit.ly/2UwIpCw
ዩቱዩብ bit.ly/2HYJBLZ
በዌብሳይት www.amharaweb.com
በቴሌግራም bit.ly/2wdQpiZ
ትዊተር bit.ly/37m6a4m
... See MoreSee Less

View on Facebook

5 days ago

CyberEthiopia

የተመድ የሰብዓዊ መብት ከፍተኛ ኮሚሽነር በትግራይ ክልል የተካሄደውን የህግ ማስከበር ዘመቻ በተመለከተ የሰጡት መግለጫ አግባብነት የሌለውና አድሏዊ ነው - በጄኔቫ የኢትዮጵያውያን የድርጊት ግብረ ሃይል

አዲስ አበባ ፣ ጥር 3 ፣ 2013 (ኤፍ ቢ ሲ) መቀመጫቸውን በአውሮፓ ያደረጉ ኢትዮጵያውያን ተቋማት በትግራይ ክልል የተካሄደውን የህግ ማስከበር ዘመቻ በተመለከተ የተባበሩት መንግስታት ድርጅት የሰብዓዊ መብት ከፍተኛ ኮሚሽነር የሰጡት መግለጫ አግባብነት የሌለውና የኮሚሽኑን ተዓማኒነት ጥያቄ ውስጥ የሚጥል መሆኑን አስታወቁ፡፡

በጄኔቫ የኢትዮጵያውያን የድርጊት ግብረ ሃይል የተዘጋጀውና መቀመጫቸውን አውሮፓ ያደረጉ የኢትዮጵያውያን የተለያዩ ማህበራትና ተቋማት ለተባበሩት መንግስታት ድርጅት የሰብአዊ መብት ኮሚሽን ፅህፈት ቤት፥ መንግስት በትግራይ ክልል ከወሰደው ህግ የማስከበርና የህልውና ዘመቻ ጋር በተያያዘ በሰጠው መግለጫ ላይ ደብዳቤ ጽፈዋል፡፡

በደብዳቤያቸውም የተመድ ሰብአዊ መብቶች ከፍተኛ ኮሚሽነር ሚቼል ባችሌት በትግራይ ክልል ከተወሰደው የህግ ማስከበርና የህልውና ዘመቻ ጋር በተያያዘ በፈረንጆቹ ታህሳስ 22 ቀን የሰጡት መግለጫና አስተያያት እጅጉን እንዳስከፋቸው ገልጸዋል፡፡

ፅህፈት ቤቱ ለንጹሃን ሰብአዊ መብት የሰጠውን ትኩረት ያወደሱት ተቋማቱ፥ ይሁን እንጅ ኮሚሽነሯ ያለምን ተጨባጭ ማስረጃና ከግል ፍላጎት በመነጨ መልኩ ያቀረቡት ውንጅላና አድሏዊ አካሄድ የኮሚሽኑ ተዓማኒነት ጥያቄ ውስጥ የሚጥል ነውም ብለዋል፡፡

አያይዘውም ኮሚሽኑ ከዚህ ቀደም በኢትዮጵያውያን ለቀረቡለት የሰብአዊ መብት ጥሰት አቤቱታ የሰጠው የዝምታ ምላሽ በቀላሉ የሚረሳ እንዳልሆነም ጠቅሰዋል፡፡

በበርካታ ሰብአዊ መብት ተሟጋች ድርጅቶች ተሰንዶ ለኮሚሽኑ የቀረበውና ከፍተኛ የሰብአዊ መብት ጥሰት የተፈጸመበት የህወሓት ጨቋኝ የአገዛዝ ዘመንን የሚያሳየው ሪፖርት በኮሚሽነሯ መግለጫ ሆን ተብሎ እንዲተው የተደረገበት መንገድም እጅግ አሳዛኝ ነውም ብለዋል በደብዳቤያቸው፡፡

ከዚህ ባለፈም መግለጫው ባለፈው ህዳር ወር በህወሓት አማካኝነት በማይካድራ በንጹሃን ላይ የተፈጸመውን ጭፍጨፋ እና ህወሓት የህግ ማስከበር ዘመቻውን ዓለም አቀፋዊ ቅርጽ ለመስጠት ወደ ኤርትራ ያስወነጨፋቸውን ሮኬቶች እና በርካታ ህዝብ በሚኖርባቸው የጎንደርና ባህር ዳር ከተሞች ያደረገውን የጥቃት ሙከራ ያላካተተ መሆኑንም አውስተዋል፡፡

የፅህፈት ቤቱን ገለልተኛና ነጻ ያልሆነ አካሄድ በተቹበት ደብዳቤ መግለጫው ህውሓት በተለያዩ የመሰረተ ልማት ተቋማት ላይ ያደረሰውን ውድመትና ጥፋት የካደና መንግስት ለንጹሃን ሰብአዊ ድጋፍ ለማድረስና ለመልሶ ግንባታ ለሰጠው ትኩረት እውቅና ያልሰጠ መሆኑንም አስታውሰዋል፡፡

ከዚህ አንጻርም ለኮሚሽኑ የደረሰው ሪፖርት መሬት ላይ ያለውን እውነታ ያላገናዘበና ያልተረጋገጠ አልያም ጊዜ ያለፈበት መሆኑንም ገልጸዋል፡፡

የኮሚሽነሯ መግለጫው የኢትዮጵያ መከላከያ ሰራዊት፣ የአማራ ልዩ ሃይል እና ሚሊሻ ሁመራን በመቆጣጠር በንጹሃን ላይ ግድያ በመፈጸም ሆስፒታልና ባንኮችን ጨምሮ ዝርፊያ ፈጽመዋል በሚል በህወሓት የተፈበረከውን ውንጀላ ያስተጋባ መሆኑንም ጠቅሰዋል፡፡

ከዚህ ባለፈም መግለጫው መከላከያ ሰራዊትን እና የአማራ “ፋኖ”ን ስም ያጠለሸ መሆኑንም አንስተዋል፡፡

ኢትዮጵያ በጠቅላይ ሚኒስትር ዐቢይ አሕመድ መሪነት በለውጥ ጎዳና ላይ መሆኗን ያነሳው ደብዳቤው፥ ፅህፈት ቤቱም ተቋማዊ ሃላፊነቱን እንዲወጣና ራሱን ከሃሰተኛ መረጃ እንዲጠብቅም ጥሪ አቅርቧል፡፡

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል t.me/fanatelevision ይቀላቀሉ
ከዚህ በተጨማሪም በትዊተር ገጻችን twitter.com/fanatelevision ይወዳጁን
ዘወትር ከእኛ ጋር ስላሉ እናመሰግናለን!
... See MoreSee Less

View on Facebook